માધાપર : ચૂંટણીના પડધમ વાગી ચૂક્યા છે વિકાસની વાતોના વડા પીરસીને મત માંગવા નેતાઓ નિકળી પડશે પરંતુ ધરાતલ ઉપર વાસ્તવિકતા કાંઈક જુદી જ છે. ઉદાહરણ લઈએ તો ભુજના પરા સમા અને સમૃદ્ધ ગામ માધાપરના લોકો વીજ કંપનીથી ત્રાહીમામ પોકારી ઉઠ્યા છે. છેલ્લા ત્રણેક દિવસથી દર કલાકેને કલાકે વીજ પુરવઠામાં વિક્ષેપના કારણે ધાંધા રોજગાર તથા ગૃહીણિઓને પણ અતિ મુશ્કેલીઓ વેઠવી પડી રહી છે અને તે પણ વીજ કંપનીના પાપે. અવાર-નવાર મેઈન્ટેનન્શના બહાના હેઠળ વીજ પુરવઠો બંધ કરી દેવામાં આવે છે. ઉનાળાની હજી શરુઆત છે ત્યાં આવી હાડમારી વેઠવી પડે છે તો આગળના દીવસોમાં શું હાલત થશે તેવું ગ્રામજનોમાં ચર્ચાઈ રહ્યું છે. અત્રે ઉલ્લેખનીય છે કે માધાપર જેવા ગામમાં વિજળીની આવી ગંભીર સમસ્યા છે તો અન્ય ગામેની પરિસ્થિતિ તો કલ્પના જ કરવી રહી. વીજ કંપની કોઈને દાદ આપતી નથી અને નેતાઓને પોતાના રાજકીય રોટલા શેકવામાંથી ફુરસત મળતી નથી કે પ્રજાના પ્રશ્નોનું નિરાકરણ લાવે. આવનારા દીવસોમાં વિકાસના નામે મત માંગવા આવતા નેતાને પ્રજા જાકારા રુપી ‘ઝાટકો’ આપે તો નવાઈ નહીં.
Get real time updates directly on you device, subscribe now.
માત્ર બ્રેકીંગ ન્યૂઝ નહિ, તટસ્થ ન્યૂઝ...
વર્તમાન સમયમાં ઝડપી સમાચાર પીરસવા માટે મીડિયા ક્ષેત્રમાં ચાલી રહેલી સ્પર્ધા અને ઝડપી સમાચાર આપવાની લાહ્ય માં સમાચારોની ગુણવતા, તટસ્થતા અને કેટલાક કિસ્સાઓ માં સત્તાવાર માહિતી લેવાના બદલે લોકોને આકર્ષી શકે તેવા મુદ્દા અને શબ્દો પાર મદાર રાખવામાં આવે છે. પરંતુ આગવી સંસ્કૃતિ, ઇતિહાસ અને અનોખી જીવનશૈલી ધરાવતા કચ્છી માડુઓ ને 'વોઇસ ઓફ કચ્છ' ના માધ્યમ થી માત્ર બ્રેકીંગ કે એક્સક્લુઝિવ ન્યૂઝ જ નહિ પરંતુ તટસ્થ અને પ્રજાલક્ષી ન્યૂઝ મળી રહે એ અમારી પ્રથમ કોશિસ રહેશે.