ભુજ : લોકસભા ચુંટણીનો નગારે ઘા પડ્યા બાદ આજે ભાજપે પોતાના 15 ઉમેદવારોની યાદી જાહેર કરી છે, તેમા કચ્છ-મોરબી લોકસભા સીટ પર ભાજપના યુવા સાંસદ વિનોદ ચાવડાને રીપીટ કરવામાં આવ્યા છે. આજે ભાજપે જાહેર કરેલી યાદીમાં વિનોદ ચાવડાનું નામ આપતા તેમની વાપસીને લઈને થઈ રહેલી અટકળોનો અંત આવ્યો છે. જુદા જુદા સમીકરણો અને ભારે રાજકીય ઉથલ પાથલ વચ્ચે અંતે વિનોદ ચાવડાના નામ પર ભાજપના રાષ્ટ્રીય નેતૃત્વએ પસંદગીની મ્હોર મારતા યુવા વયે સાંસદ બનેલા વિનોદ ચાવડા કચ્છમાંથી બીજી વખત લોકસભા ચૂંટણી લડવા જઇ રહ્યા છે. કચ્છ ભાજપના સંગઠનમાં પોતાની અલગ ઇમેજ ધરાવતા વિનોદ ચાવડાનું નામ વડા પ્રધાન નરેન્દ્રભાઇ મોદીની ગુડબુકમાં હોવાનું મનાય છે. કચ્છમાં છેલ્લે જંગી સભાને સંબોધન દરમ્યાન વડાપ્રધાન નરેન્દ્રભાઇ મોદીએ વિનોદ ચાવડાનો ઉલ્લેખ વિશિષ્ટ રીતે કર્યો ત્યારે જ કચ્છ ભાજપમાં વિનોદ ચાવડા રીપીટ થવાની શકયતાઓ વિશે ચર્ચાઓનો દોર ચાલ્યો હતો, દરમ્યાન સામાજિક સમીકરણોને ધ્યાને લેતા વિનોદ ચાવડા સિવાય અન્ય નામો પણ સપાટી પર આવ્યા હતા. પરંતુ ભાજપની વિધિવત જાહેરાત પછી તમામ અટકળોનો અંત આવ્યો છે.
Get real time updates directly on you device, subscribe now.
માત્ર બ્રેકીંગ ન્યૂઝ નહિ, તટસ્થ ન્યૂઝ...
વર્તમાન સમયમાં ઝડપી સમાચાર પીરસવા માટે મીડિયા ક્ષેત્રમાં ચાલી રહેલી સ્પર્ધા અને ઝડપી સમાચાર આપવાની લાહ્ય માં સમાચારોની ગુણવતા, તટસ્થતા અને કેટલાક કિસ્સાઓ માં સત્તાવાર માહિતી લેવાના બદલે લોકોને આકર્ષી શકે તેવા મુદ્દા અને શબ્દો પાર મદાર રાખવામાં આવે છે. પરંતુ આગવી સંસ્કૃતિ, ઇતિહાસ અને અનોખી જીવનશૈલી ધરાવતા કચ્છી માડુઓ ને 'વોઇસ ઓફ કચ્છ' ના માધ્યમ થી માત્ર બ્રેકીંગ કે એક્સક્લુઝિવ ન્યૂઝ જ નહિ પરંતુ તટસ્થ અને પ્રજાલક્ષી ન્યૂઝ મળી રહે એ અમારી પ્રથમ કોશિસ રહેશે.