ભુજ : કચ્છ જિલ્લામાં તાલુકા મથકો પર વિવિધ શૈક્ષણિક સંસ્થાઓ આવેલી છે અને આવી શૈક્ષણિક સંસ્થાઓમાં અભ્યાસ કરતા વિધાર્થીઓને પુરક અને વધુ તાલીમ માટે દરેક તાલુકા મથકો ઉપર વિવિધ ખાનગી ટયુશન કલાસીસ અસ્તિત્વમાં આવેલ છે. આ ટયુશન કલાસીસ રાત દિવસ ધમધમતા હોય છે. ઘણા ટયુશન કલાસમાં વિધાર્થી-વિધાર્થીનીઓ રાત્રિના સમયમાં કે વહેલી સવારે ટયુશન કલાસ ભરવા જતા હોવાનું ધ્યાને આવેલ છે. અને તે દરમ્યાન ઘણી વિધાર્થીનીઓ સાથે છેડતી કે બીજા કાયદો વ્યવસ્થાને લગતા પ્રશ્નો ઉપસ્થિત થતા હોવાનું ધ્યાને આવેલ છે. આ ઉપરાંત જિલ્લામાં વિવિધ ટયુશન કલાસ મહદઅંશે ભાડાના મકાનોમાં ચાલે છે. જેથી ટયુશન કલાસના મકાની આસપાસ આવેલ રહિશોને પણ વિધાર્થીઓની સતત અવર-જવરથી પરેશાન થાય છે. ટયુશન કલાસના સંચાલકો તરફથી વિધાર્થીનીઓની શારીરિક છેડતી કરતી હોવાથી બાબતે પણ રજુઆત થયેલ છે. આમ તમામ બાબતો ધ્યાને લેતા જિલ્લામાં ચાલતા ટયુશન કલાસો માટે ચોકકસ સમય રાખવો જરૂરી જણાય છે. માટે જિલ્લા મેજીસ્ટ્રેટ રેમ્યા મોહને જાહેરનામું બહાર પાડી જિલ્લાની મહેસુલી હદમાં આવેલ ખાનગી ટયુશન કલાસીસ સવારે ૮ કલાકથી સાંજે ૧૯ કલાક સુધી ચાલુ રાખી શકાશે તે સિવાયના સમયમાં ટયુશન કલાસીસ ચલાવવા પર મનાઇ ફરમાવેલ છે. આ હુકમ સમગ્ર કચ્છ જિલ્લાના સમગ્ર વિસ્તારમાં લાગુ પડશે. આ જાહેરનામું તા.૧૪/૯/૨૦૧૮ સુધી અમલમાં રહેશે. આ હુકમનો ભંગ કે ઉલ્લંઘન કરનારને ભારતીય દંડ સહિતાની કલમ-૧૮૮ મુજબ શિક્ષાને પાત્ર થશે.
Get real time updates directly on you device, subscribe now.
માત્ર બ્રેકીંગ ન્યૂઝ નહિ, તટસ્થ ન્યૂઝ...
વર્તમાન સમયમાં ઝડપી સમાચાર પીરસવા માટે મીડિયા ક્ષેત્રમાં ચાલી રહેલી સ્પર્ધા અને ઝડપી સમાચાર આપવાની લાહ્ય માં સમાચારોની ગુણવતા, તટસ્થતા અને કેટલાક કિસ્સાઓ માં સત્તાવાર માહિતી લેવાના બદલે લોકોને આકર્ષી શકે તેવા મુદ્દા અને શબ્દો પાર મદાર રાખવામાં આવે છે. પરંતુ આગવી સંસ્કૃતિ, ઇતિહાસ અને અનોખી જીવનશૈલી ધરાવતા કચ્છી માડુઓ ને 'વોઇસ ઓફ કચ્છ' ના માધ્યમ થી માત્ર બ્રેકીંગ કે એક્સક્લુઝિવ ન્યૂઝ જ નહિ પરંતુ તટસ્થ અને પ્રજાલક્ષી ન્યૂઝ મળી રહે એ અમારી પ્રથમ કોશિસ રહેશે.