મુન્દ્રા : તાલુકાના છસરા ગામે જુથ અથડામણ થતા છ લોકોના મૃત્યુ થયા ચકચાર મચી જવા પામી છે. રાત્રે બે જુથ વચ્ચે અથડામણ થઈ છે જેમા એક જુથના ચાર અને એક જુથના બે એમ છ લોકોના મર્ડર થયા છે. ગામના સરપંચ પરિવાર તેમજ સામે અન્ય જુથ સામે અથડામણ સર્જાઈ હોવાનું જાણવા મળેલ છે. પોલીસ ઘટના સ્થળ પર પહોચી ચુસ્ત બંદોબસ્ત ગોઠવી અને બનાવની તપાસ શરૂ કરી દીધેલ છે. વધુમાં પરિસ્થિતિ પર કાબુ મેળવવા એસ.આર.પીના જવાનો પણ બોલાવી લેવાયા હોવાનું જાણવા મળેલ છે. કચ્છના નાનકડા ગામમાં આ પ્રકારની અથડામણ કે જેમાં છ લોકોના મર્ડર થયાની ઘટનાથી સમગ્ર ગુજરાત ભરમાં હાહાકાર મચી ગયો છે. આ અથડામણ આહિર અને મુસ્લિમ જુથ વચ્ચે થઈ હોવાનું જાણવા મળેલ છે. ઘટનામાં મૃતકોમાં એક જુથના મગન મ્યાજર આહિર (ઉ.વ.27), ભરત મ્યાજર આહિર (ઉ.વ.28), ભાર્ગવ પચાણ આહિર (ઉ.વ.26), ચેતન નારણ આહિર (ઉ.વ.38) તો બીજા જુથે આમદ અબ્દુલ બુલિયા (ઉ.વ.70) આબિદ અબ્બર બુલિયા (ઉ.વ.25)ના નામો જાણવા મળેલ છે.આ અથડામણ પાછળ કયો કારણ જવાબદાર છે તે આ બનાવ બાબતે આગળની પોલીસ તપાસ પરથી બહાર આવશે.
Get real time updates directly on you device, subscribe now.
માત્ર બ્રેકીંગ ન્યૂઝ નહિ, તટસ્થ ન્યૂઝ...
વર્તમાન સમયમાં ઝડપી સમાચાર પીરસવા માટે મીડિયા ક્ષેત્રમાં ચાલી રહેલી સ્પર્ધા અને ઝડપી સમાચાર આપવાની લાહ્ય માં સમાચારોની ગુણવતા, તટસ્થતા અને કેટલાક કિસ્સાઓ માં સત્તાવાર માહિતી લેવાના બદલે લોકોને આકર્ષી શકે તેવા મુદ્દા અને શબ્દો પાર મદાર રાખવામાં આવે છે. પરંતુ આગવી સંસ્કૃતિ, ઇતિહાસ અને અનોખી જીવનશૈલી ધરાવતા કચ્છી માડુઓ ને 'વોઇસ ઓફ કચ્છ' ના માધ્યમ થી માત્ર બ્રેકીંગ કે એક્સક્લુઝિવ ન્યૂઝ જ નહિ પરંતુ તટસ્થ અને પ્રજાલક્ષી ન્યૂઝ મળી રહે એ અમારી પ્રથમ કોશિસ રહેશે.