ભુજ: આજે જામનગરથી ઉડાન ભરીને કચ્છ તરફ આવી રહેલ વાયુસેનાનું જગુઆર ફાઇટર વિમાન દૂર્ધટનાગ્રસ્ત થયું હતું. મુંદ્રાના બેરાજા ગામના સીમમાં વિમાન તૂટી પડતાં 20 થી 25 ગાયોના મોત નિપજ્યા છે. ઘટનાની જાણ થતાં એરફોર્સના અધિકારીઓ ઘટના સ્થળે દોડી ગયા હતા. બેરજાની સીમમાં એરફોર્સનું વિમાન તૂટી પડ્યાની ઘટનાની જાણ થતાં જામનગર એરફોર્સના અધિકારીઓ ઘટનાસ્થળે પહોંચ્યા હતા. વિમાન દૂર્ઘટના ગ્રસ્ત થયું ત્યારે સીમમાં ગાયો ચરી રહી હતી. જેના કારણે અનેક ગાંયોના મૃત્યુ તથા ઘાયલ થઈ હતી. વિમાનના પાઇલટ કોમોડોર સંજય ચૌહાણ આ દુર્ઘટનામાં ગંભીર રીતે ઇજાગ્રસ્ત થયા હતા. જામનગરની રેસ્કયુ ટીમ તેમને સ્થળ પર પ્રાથમીક સારવાર બાદ જામનગર લઈ ગયેલ પણ ગંભીર રીતે ઘાયલ થયા હોવાથી કોમોડોર સંજય ચૌહાણનું મૃત્યુ થયું છે. આ ઘટનાની વધુ તપાસ કરવા એરફોર્સ દ્વારા આદેશ આપવામાં આવ્યા છે.
Get real time updates directly on you device, subscribe now.
માત્ર બ્રેકીંગ ન્યૂઝ નહિ, તટસ્થ ન્યૂઝ...
વર્તમાન સમયમાં ઝડપી સમાચાર પીરસવા માટે મીડિયા ક્ષેત્રમાં ચાલી રહેલી સ્પર્ધા અને ઝડપી સમાચાર આપવાની લાહ્ય માં સમાચારોની ગુણવતા, તટસ્થતા અને કેટલાક કિસ્સાઓ માં સત્તાવાર માહિતી લેવાના બદલે લોકોને આકર્ષી શકે તેવા મુદ્દા અને શબ્દો પાર મદાર રાખવામાં આવે છે. પરંતુ આગવી સંસ્કૃતિ, ઇતિહાસ અને અનોખી જીવનશૈલી ધરાવતા કચ્છી માડુઓ ને 'વોઇસ ઓફ કચ્છ' ના માધ્યમ થી માત્ર બ્રેકીંગ કે એક્સક્લુઝિવ ન્યૂઝ જ નહિ પરંતુ તટસ્થ અને પ્રજાલક્ષી ન્યૂઝ મળી રહે એ અમારી પ્રથમ કોશિસ રહેશે.
Next Post