ભુજ : તાલુકાના નાના લુણા, મોટા લુણા, ભગાડીયા અને હાજીપીર ગ્રામ પંચાયત હેઠળ આવતા ગામના લોકો વરસાદના કારણે કમર સુધી પાણી ભરાતા પોતાની ઘરવખરી મુકી, જીવ બચાવી અને નખત્રાણા તાલુકાના ઉઠમણી તેમજ નરા રોડ પર આવેલ ડુંગરો પર કાચી તાળપત્રી બાંધી રહી રહ્યા છે. આ લોકોની પ્રદેશ કોંગ્રેસના પૂર્વ ઉપપ્રમુખ આદમભાઈ ચાકીએ નખત્રાણા તાલુકા પંચાયત સદસ્ય આદમ લાંગાય સાથે મુલાકાત લીધી હતી. તેઓએ જણાવ્યું છે કે સ્થળ પર કોઈ તલાટી આવેલ નથી અને રીપોર્ટમાં જણાવ્યું કે અહીં લોકોને કાંઇ પણ વસ્તુની જરૂરિયાત નથી. આ બાબત દાજયા પર ડામ જેવી છે. જયારે હકીકત એમ છે કે ચાર પંચાયતો હેઠળ આવતા ગામના લોકો પોતાના ઘર મુકને ડુંગર પર વસવાટ કરી રહ્યા છે. તેમજ આ લોકોના 40-50 ઢોરો પણ મૃત્યુ પામ્યા છે. આ બાબતે અગ્રણીઓ દ્વારા એડીશનલ કલેક્ટર ઝાલા સાહેબને ફોટોગ્રાફ સાથે ર વીગત વાર રજૂઆત કરી હતી. ઝાલા સાહેબે તંત્ર દ્વારા આ લોકોને તત્કાલ સહાય કરવાની ખાતરી આપી છે. તેમજ ભુજ તાલુકા વિકાસ અધિકારીને પણ રૂબરૂ રજૂઆત કરાતા તેઓએ પણ તલાટી તેમજ અધિકારીઓની ટીમ સર્વે કરવા મોકલી અને કાલ સુધી તમામ લોકોને ઘરવખરી માટે જરૂરિયાતની તમામ ચીજ વસ્તું અને સહાય આપવા ખાતરી આપી હતી. જે બદલ પ્રદેશ કોંગ્રેસ પૂર્વ ઉપપ્રમુખ આદમ ચાકી, અખિલ કચ્છ સુન્નિ મુસ્લિમ હીતરક્ષક સમીતીના પ્રમુખ ઇબ્રાહિમ હાલેપોત્રાએ તંત્રનો આભાર માનયો હતો.
Get real time updates directly on you device, subscribe now.
માત્ર બ્રેકીંગ ન્યૂઝ નહિ, તટસ્થ ન્યૂઝ...
વર્તમાન સમયમાં ઝડપી સમાચાર પીરસવા માટે મીડિયા ક્ષેત્રમાં ચાલી રહેલી સ્પર્ધા અને ઝડપી સમાચાર આપવાની લાહ્ય માં સમાચારોની ગુણવતા, તટસ્થતા અને કેટલાક કિસ્સાઓ માં સત્તાવાર માહિતી લેવાના બદલે લોકોને આકર્ષી શકે તેવા મુદ્દા અને શબ્દો પાર મદાર રાખવામાં આવે છે. પરંતુ આગવી સંસ્કૃતિ, ઇતિહાસ અને અનોખી જીવનશૈલી ધરાવતા કચ્છી માડુઓ ને 'વોઇસ ઓફ કચ્છ' ના માધ્યમ થી માત્ર બ્રેકીંગ કે એક્સક્લુઝિવ ન્યૂઝ જ નહિ પરંતુ તટસ્થ અને પ્રજાલક્ષી ન્યૂઝ મળી રહે એ અમારી પ્રથમ કોશિસ રહેશે.