ભુજ : શહેરના પૂર્વ નગરસેવક મુસ્લિમ સમાજના યુવા અગ્રણી હમીદ અહેમદ ભટ્ટી પર ગઇ કાલે કચ્છ યુનિવર્સિટીમાં જીવલેણ હુમલો કરવામાં આવ્યો હતો. આ હુમલામાં ગંભીર રીતે ઘાયલ થયેલ હમીદ ભટ્ટીને સારવાર માટે ખસેડાયા હતા. આ પ્રકરણે મોડી સાંજે ભુજ શહેર બી ડિવિઝન પોલીસ મથકે હમીદ ભટ્ટી ના ડ્રાઇવર ઇમરાન મોહમ્મદ બકાલીએ આપેલ ફરિયાદ પરથી બી ડિવિઝન પોલીસે બાર જણા વિરુદ્ધ FIR નોંધી છે. FIR માં જણાવ્યા મુજબ ભુજ શહેરના કેમ્પ એરિયામાં રહેતા સલીમ અનવર માંજોઠીની બહેન રૂકશાના માંજોઠીની હત્યા થયેલ તે હત્યાનો ભેદ ઉકેલવા હમીદ ભટ્ટીએ સલીમ માંજોઠીને સાથ આપેલ જેનું મન દુઃખ રાખી આ હુમલો કરાયો છે. હુમલામાં આરોપીઓએ હમીદ ભટ્ટીને પેટના ભાગે તેમજ પગમાં કુહાડી તથા ધારીયા જેવા ઘાતક હથિયાર વડે ગંભીર ઇજાઓ પહોંચાડેલ છે. તેમજ ફરિયાદી ઇમરાન બકાલીને પાઇપ વડે મુંઢ માર તેમજ સાહેદ પરમીન્દરને તલવાર વડે ઇજાઓ પહોંચાડેલ છે. આ પ્રકરણે પોલીસે આરોપી રઝાક બાફણ, ઇમરાન માંજોઠી, મુજાહીદ હીંગોરજા અને મોહસીન ગાંધી સાથે 8 અજાણ્યા શખ્સો વિરૂદ્ધ IPC કલમ 307, 143, 147, 148, 149, 323, 324 તેમજ જીપી એકટ 135 મુજબ ગુનો દાખલ કરી આગળની તપાસ હાથ ધરાઈ છે.
Get real time updates directly on you device, subscribe now.
માત્ર બ્રેકીંગ ન્યૂઝ નહિ, તટસ્થ ન્યૂઝ...
વર્તમાન સમયમાં ઝડપી સમાચાર પીરસવા માટે મીડિયા ક્ષેત્રમાં ચાલી રહેલી સ્પર્ધા અને ઝડપી સમાચાર આપવાની લાહ્ય માં સમાચારોની ગુણવતા, તટસ્થતા અને કેટલાક કિસ્સાઓ માં સત્તાવાર માહિતી લેવાના બદલે લોકોને આકર્ષી શકે તેવા મુદ્દા અને શબ્દો પાર મદાર રાખવામાં આવે છે. પરંતુ આગવી સંસ્કૃતિ, ઇતિહાસ અને અનોખી જીવનશૈલી ધરાવતા કચ્છી માડુઓ ને 'વોઇસ ઓફ કચ્છ' ના માધ્યમ થી માત્ર બ્રેકીંગ કે એક્સક્લુઝિવ ન્યૂઝ જ નહિ પરંતુ તટસ્થ અને પ્રજાલક્ષી ન્યૂઝ મળી રહે એ અમારી પ્રથમ કોશિસ રહેશે.