ભુજ : છેલ્લા બે દિવસથી ભુજમાં વિશ્વ હિન્દુ પરિષદ કચ્છ વિભાગના નામથી ભુજમાં લાગેલા એક પોસ્ટરમાં ભુજ નગર પાલિકાના ત્રણ મુસ્લિમ કાઉન્સીલરોના ફોટા જોવા મળતા સોશ્યલ મીડીયામાં હોબાળો મચતા અંતે ફરીથી સોશ્યલ મીડીયામાં ખુલાસાઓનો દોર શરૂ થયો છે.કચ્છ વીએચપી અને ત્રણેય મુસ્લિમ કાઉન્સીલરોના સોશ્યલ મીડીયામાં ફરી રહેલા જાહેર ખુલાસાઓ જોતા આ સમગ્ર પ્રકરણમાં બંને પક્ષો પર ત્રીજા પરિબળે દાવ ખેલી પાડ્યો હોવાની ચર્ચા છેડાઈ છે.વિશ્વ હિન્દુ પરિષદ કચ્છ વિભાગના અધ્યક્ષ રઘુવીરસિંહ જાડેજાએ ઓડિયો ક્લીપ દ્વારા ભારે ચગેલા એ પોસ્ટર અંગે સ્પષ્ટતા કરતા જણાવ્યું કે એ પોસ્ટર શ્રી રામ જન્મભૂમિ આંદોલનને શુભેચ્છા માત્ર હતી, શુભેચ્છા કોણ આપે છે તેનાથી વીએચપી ને કશું લાગતું વળગતું નથી.બીજી તરફ સોશ્યલ મીડીયામાં મુસ્લિમ સમાજનો રોષ વેઠનાર ત્રણેય કાઉન્સીલરો કાસમ કુંભાર, અલીખાન બલોચ અને રજાક માંજોઠીના નામથી પણ જાહેર ખુલાસો સોશ્યલ મીડીયામાં ફરી રહ્યો છે, જેમાં તેમણે સ્પષ્ટતા કરી છે કે અમારી સહમતી વિના એ પોસ્ટરમાં અમારા ફોટા લગાડાયા છે.વીએચપી અને મુસ્લિમ કાઉન્સીલરોના જાહેર ખુલાસા જોતા પ્રશ્ન ઉઠી રહ્યો છે કે…તો પછી આ દાવ ખેલ્યો કોણે? બંને પક્ષોને બચાવની સ્થિતિમાં મૂકી દેનાર પોસ્ટર વિવાદમાં ત્રણ મુસ્લિમ નગરસેવકો અને કચ્છ વીએચપી પર રાજકીય દાવ ખેલાયા પાછળ ભાજપનો આંતરિક જુથવાદ તો નિમિત્ત નથી બન્યુ ને ? તેવી ચર્ચાએ જોર પકડયું છે.
Get real time updates directly on you device, subscribe now.
માત્ર બ્રેકીંગ ન્યૂઝ નહિ, તટસ્થ ન્યૂઝ...
વર્તમાન સમયમાં ઝડપી સમાચાર પીરસવા માટે મીડિયા ક્ષેત્રમાં ચાલી રહેલી સ્પર્ધા અને ઝડપી સમાચાર આપવાની લાહ્ય માં સમાચારોની ગુણવતા, તટસ્થતા અને કેટલાક કિસ્સાઓ માં સત્તાવાર માહિતી લેવાના બદલે લોકોને આકર્ષી શકે તેવા મુદ્દા અને શબ્દો પાર મદાર રાખવામાં આવે છે. પરંતુ આગવી સંસ્કૃતિ, ઇતિહાસ અને અનોખી જીવનશૈલી ધરાવતા કચ્છી માડુઓ ને 'વોઇસ ઓફ કચ્છ' ના માધ્યમ થી માત્ર બ્રેકીંગ કે એક્સક્લુઝિવ ન્યૂઝ જ નહિ પરંતુ તટસ્થ અને પ્રજાલક્ષી ન્યૂઝ મળી રહે એ અમારી પ્રથમ કોશિસ રહેશે.