ભુજ : કચ્છ જિલ્લા કોંગ્રેસ સમિતિના પ્રમુખ તરીકે યજુવેન્દ્રસિંહ જાડેજાની નિમણૂક કરવામાં આવી છે. ઘણા સમયથી સંગઠનમાં ફેરફાર કરવાની ચાલી રહેલ અટકળોનું આજે અંત આવ્યું છે. કચ્છ જિલ્લા કોંગ્રેસ પ્રમુખ નરેશ મહેશ્વરીની ટર્મ પુરી થતા નવા પ્રમુખ તરીકે યુવા ચહેરાને સ્થાન આપવામાં આવ્યું છે. યજુવેન્દ્રસિંહ જાડેજા અગાઉ યુથ કોંગ્રેસમાં વિવિધ હોદા પર રહી અને કોંગ્રેસ માટે સંગઠનની કામગીરી કરેલ છે. હાલમાં પણ તેઓ યુથ કોંગ્રેસના પ્રદેશ ઉપાધ્યક્ષ તરીકે કાર્યરત હતા. જિલ્લા કોંગ્રેસ પ્રમુખ તરીકે યુવા ચહેરાને તક આપતા કોંગ્રેસના કાર્યકરોમાં ઉત્સાહનો માહોલ છવાયો છે. તેમજ યજુવેન્દ્રસિંહના પિતા શૈલેન્દ્રસિંહ જાડેજા પણ કોંગ્રેસ પક્ષના સંગઠનમાં વિવિધ હોદા પર રહી પક્ષ માટે કામ કરેલ છે. તેમજ કોંગ્રેસ પક્ષ તરફથી લોકસભાની ચુંટણી પણ લડી ચુકયા છે. રાહુલ ગાંધીના નેતૃત્વમાં કોંગ્રેસ સંગઠનમાં યુવાઓને તક આપવામાં આવી છે. જેમાં વિપક્ષી નેતા પરેશ ધાનાણી પ્રદેશ પ્રમુખ તરીકે અમિત ચાવડાએ તક આપવામાં આવી. ત્યાર બાદ જિલ્લા સંગઠનમાં પણ યુવાઓને તક આપી પાર્ટીના સંગઠન મજબુત બનાવવા કવાયત તેજ કરાઈ છે.
Get real time updates directly on you device, subscribe now.
માત્ર બ્રેકીંગ ન્યૂઝ નહિ, તટસ્થ ન્યૂઝ...
વર્તમાન સમયમાં ઝડપી સમાચાર પીરસવા માટે મીડિયા ક્ષેત્રમાં ચાલી રહેલી સ્પર્ધા અને ઝડપી સમાચાર આપવાની લાહ્ય માં સમાચારોની ગુણવતા, તટસ્થતા અને કેટલાક કિસ્સાઓ માં સત્તાવાર માહિતી લેવાના બદલે લોકોને આકર્ષી શકે તેવા મુદ્દા અને શબ્દો પાર મદાર રાખવામાં આવે છે. પરંતુ આગવી સંસ્કૃતિ, ઇતિહાસ અને અનોખી જીવનશૈલી ધરાવતા કચ્છી માડુઓ ને 'વોઇસ ઓફ કચ્છ' ના માધ્યમ થી માત્ર બ્રેકીંગ કે એક્સક્લુઝિવ ન્યૂઝ જ નહિ પરંતુ તટસ્થ અને પ્રજાલક્ષી ન્યૂઝ મળી રહે એ અમારી પ્રથમ કોશિસ રહેશે.