ભુજ : રાપર નગરપાલિકાના ઉપપ્રમુખ હઠુભા રાણાજી સોઢાને સસ્પેન્ડ કરવા જિલ્લા કોંગ્રેસ તેમજ રાપર શહેર કોંગ્રેસ દ્વારા માંગ કરવામાં આવી છે. રાપર નગરપાલિકાના ઉપપ્રમુખ હઠુભા રાણાજી સોઢા પર હત્યાની ફરિયાદ નોંધાયેલ છે. હાલમાં મુંબઈ તથા રાપર પોલીસ તેને સોધી રહી છે. ત્યાર બાદ એક આગેવાન પર પણ હૂમલો કર્યો છે. ભાજપના સત્તાધિશો કાયદો વ્યવસ્થા હાથમાં લઇ સામાન્ય પ્રજા પર હુમલા કરી ભયનું વાતાવરણ ઉભું કરી રહ્યા છે. માટે ત્વરિત તેમની ધરપકડ કરી કડક સજા થવી જોઈએ તેવી માંગ કરાઈ છે. તેમજ તંત્રએ આ બાબતને સંજ્ઞાનમાં લાવી તેને હોદા પરથી દૂર કરી નગરપાલિકાની મીટીંગની કાર્યવાહીમાં ભાગ લેતા અટકાવવા જોઈએ. ભાજપના પ્રતિનિધિઓ સત્તાના મદમાં માહોલ ડહોળી રહ્યા છે. જેથી કાયદો વ્યવસ્થા જળવાઈ રહે તેની પણ માંગ કોંગ્રેસ દ્વારા કરવામાં આવી છે. જો આ બાબતે યોગ્ય નહીં થાયતો જિલ્લા મથકે કાર્યક્રમ આપવામાં આવશે તેવું જિલ્લા કોંગ્રેસે તેમજ રાપર શહેર કોંગ્રેસ દ્વારા યાદીમાં જણાવાયું છે.
Get real time updates directly on you device, subscribe now.
માત્ર બ્રેકીંગ ન્યૂઝ નહિ, તટસ્થ ન્યૂઝ...
વર્તમાન સમયમાં ઝડપી સમાચાર પીરસવા માટે મીડિયા ક્ષેત્રમાં ચાલી રહેલી સ્પર્ધા અને ઝડપી સમાચાર આપવાની લાહ્ય માં સમાચારોની ગુણવતા, તટસ્થતા અને કેટલાક કિસ્સાઓ માં સત્તાવાર માહિતી લેવાના બદલે લોકોને આકર્ષી શકે તેવા મુદ્દા અને શબ્દો પાર મદાર રાખવામાં આવે છે. પરંતુ આગવી સંસ્કૃતિ, ઇતિહાસ અને અનોખી જીવનશૈલી ધરાવતા કચ્છી માડુઓ ને 'વોઇસ ઓફ કચ્છ' ના માધ્યમ થી માત્ર બ્રેકીંગ કે એક્સક્લુઝિવ ન્યૂઝ જ નહિ પરંતુ તટસ્થ અને પ્રજાલક્ષી ન્યૂઝ મળી રહે એ અમારી પ્રથમ કોશિસ રહેશે.