ભુજ : શહેરમાં અનેક વિસ્તારમાં પાણીની અછત હોવા છતાં ભુજ નગરપાલીકાના ટેન્કરો મારફતે બરફની ખાનગી ફેકટરીઓમાં પાણી પહોંચાડવામાં આવતો હોવાનો આક્ષેપ મહિલા સ્વાભિમાન સંઘર્ષ સમિતિના અંજલી ગોર દ્વારા કરવામાં આવ્યો છે. ભુજ નગરપાલિકાના ચીફ ઓફિસરને લખેલા પત્રમાં જણાવાયું છે કે ભુજ નગરપાલિકાના ટેન્કરો દ્વારા રાત્રીના સમયમાં બરફની ખાનગી ફેકટરીઓમાં પાણી પહોંચાડવામાં આવે છે. જેની વિડીઓ ક્લીપ પણ રજુ કરવામાં આવી છે. આ મુદે જવાબદારો સામે પાણી ચોરી અને સરકારી સાધનોના દુર ઉપયોગ બદલ કાયદાકીય કાર્યવાહી કરવા માંગ કરાઇ છે. આ મુદે “વોઇસ ઓફ કચ્છ ન્યૂઝ” દ્વારા ભુજ નગરપાલિકાના ચીફ ઓફિસરનો સંપર્ક કરતા તેમણે જણાવ્યું હતું કે આ ટેન્કર દ્વારા આપવામાં આવતો પાણી નગરપાલિકામાં પૈસા ભરાવી અને આપવામાં આવે છે. પૈસા ભરાવી અને નગરપાલિકા દ્વારા પાણી આપી શકાય છે તેમાં કંઈ ખોટું નથી. જયારે અરજદારનો એવો પણ આક્ષેપ છે કે નગરજનોને પૂરતો પાણી મળતું નથી ત્યારે નગરપાલિકા ખાનગી પેઢીઓને પાણી આપે તે યોગ્ય નથી. અને નોમ્સ પ્રમાણે નગરપાલિકા ખાનગી પેઢીઓને પાણી આપી શકતી નથી. જો કે અરજદાર દ્વારા કલેકટરની રૂબરૂ મુલાકાત લેતા આ બાબતે યોગ્ય કરવા કચ્છ કલેકટરે અરજદારને જણાવ્યું છે.
Get real time updates directly on you device, subscribe now.
માત્ર બ્રેકીંગ ન્યૂઝ નહિ, તટસ્થ ન્યૂઝ...
વર્તમાન સમયમાં ઝડપી સમાચાર પીરસવા માટે મીડિયા ક્ષેત્રમાં ચાલી રહેલી સ્પર્ધા અને ઝડપી સમાચાર આપવાની લાહ્ય માં સમાચારોની ગુણવતા, તટસ્થતા અને કેટલાક કિસ્સાઓ માં સત્તાવાર માહિતી લેવાના બદલે લોકોને આકર્ષી શકે તેવા મુદ્દા અને શબ્દો પાર મદાર રાખવામાં આવે છે. પરંતુ આગવી સંસ્કૃતિ, ઇતિહાસ અને અનોખી જીવનશૈલી ધરાવતા કચ્છી માડુઓ ને 'વોઇસ ઓફ કચ્છ' ના માધ્યમ થી માત્ર બ્રેકીંગ કે એક્સક્લુઝિવ ન્યૂઝ જ નહિ પરંતુ તટસ્થ અને પ્રજાલક્ષી ન્યૂઝ મળી રહે એ અમારી પ્રથમ કોશિસ રહેશે.