ભુજ : છેલ્લા થોડા સમયથી કચ્છમાં ધાર્મિક લાગણી દુભાવવાના કિસ્સાઓ વધ્યા છે. કોમી એકતા માટે જાણીતા કચ્છ જિલ્લામાં થોડા સમયથી અમુક મુઠી ભર અસામાજિક તત્વોએ કોમીએકતાને ખલેલ પહોંચાડી રહયા છે. કમનસીબે આ કોમી તનાવનો ભોગ અબડાસાના ધારાસભ્ય પ્રધ્યુમનસિંહ જાડેજા બન્યા છે. પ્રધ્યુમનસિંહ જાડેજા લખપત તાલુકાના આશાલડી ગામે મુસ્લિમોના પવિત્ર રમઝાન માસ નિમિતે મુસ્લિમ બીરાદરોને શુભેચ્છા પાઠવવા ગયા હતા. જયાં તેમણે ટોપી પહેરી મુસ્લિમોને રોજા છોડાવ્યા હતા. આ પ્રસંગના ફોટોગ્રાફ પર સોશ્યલ મીડિયા પર કરણદેવસિંહ અને વિરેન્દસિંહ જાડેજા નામના યુઝર્સે ધાર્મિક તેમજ અભદ્ર ટીપ્પણી કરી હતી. તેમજ વિક્રમસિંહ સોઢાએ પણ અભદ્ર લખાણ લખ્યું હતું. આ પ્રકારની ટીપ્પણીને કોમી ઉશ્કેરણી જનક તેમજ ભડકાઉ ટીપ્પણી ગણાવી ત્રણેય યુઝર્સ વિરૂદ્ધ કાયદાકીય કાર્યવાહી કરવા અબડાસા MLA એ નખત્રાણા એ. એસ.પી તેમજ LCB ને રજુઆત કરી છે.
Get real time updates directly on you device, subscribe now.
માત્ર બ્રેકીંગ ન્યૂઝ નહિ, તટસ્થ ન્યૂઝ...
વર્તમાન સમયમાં ઝડપી સમાચાર પીરસવા માટે મીડિયા ક્ષેત્રમાં ચાલી રહેલી સ્પર્ધા અને ઝડપી સમાચાર આપવાની લાહ્ય માં સમાચારોની ગુણવતા, તટસ્થતા અને કેટલાક કિસ્સાઓ માં સત્તાવાર માહિતી લેવાના બદલે લોકોને આકર્ષી શકે તેવા મુદ્દા અને શબ્દો પાર મદાર રાખવામાં આવે છે. પરંતુ આગવી સંસ્કૃતિ, ઇતિહાસ અને અનોખી જીવનશૈલી ધરાવતા કચ્છી માડુઓ ને 'વોઇસ ઓફ કચ્છ' ના માધ્યમ થી માત્ર બ્રેકીંગ કે એક્સક્લુઝિવ ન્યૂઝ જ નહિ પરંતુ તટસ્થ અને પ્રજાલક્ષી ન્યૂઝ મળી રહે એ અમારી પ્રથમ કોશિસ રહેશે.